ԱՄՆ-ը Եվրոպային Ռուսաստանից պաշտպանելու համար տասնյակ միլիարդավոր դոլարներ է ծախսում․ Թրամփ

ԱՄՆ-ը տասնյակ միլիարդավոր դոլարներ է ծախսում Եվրոպային Ռուսաստանից պաշտպանելու համար՝ միևնույն ժամանակ մեծ գումարներ է կորցնում առևտրի մեջ։ Այս մասին իր թվիթերյան էջում գրել է ԱՄՆ նախագահ Դոնալդ Թրամփը։

«Երկար տարիների ընթացքում ԱՄՆ նախագահներն ապարդյուն փորձում են ստիպել Գերմանիային և ՆԱՏՕ-ի մյուս հարուստ երկրներին Ռուսաստանից պաշտպանվելու համար վճարել ավելի շատ։ Նրանք միայն վճարում են իրենց բաժնի մի փոքր մասը։ ԱՄՆ-ը վճարում է տասնյակ միլիարդավոր դոլարներ, որպեսզի սուբսիդավորի Եվրոպային, սակայն միևնույն ժամանակ նշանակալի գումարներ է կորցնում առևտրում», - գրել է Թրամփը։

Նա հիշեցրել է, իրենք չեն ընդունի այն, որ Ռուսաստանը գումարներ ստանա Եվրոպա գազ մատակարարելով։ Թրամփը հիշեցրել է, որ Գերմանիան պաշտպանական ծախսերի համար տրամադրում էր իր ՀՆԱ-ի միայն 1%-ը, մինչդեռ Միացյալ Նահանգները տրամադրում է ՀՆԱ-ի 3,6%-ը։

ՆԱՏՕ-ում ունեցած ելույթի ժամանակ Թրամփը դաշնակիցներից պահանջել է ոչ թե մինչև 2024 թ․, այլ անմիջապես ավելացնել պաշտպանական ծախսերը՝ հասցնելով ՀՆԱ-ի 2%-ին։

Գերմանիան և Ռուսաստանը բազմիցս հայտարարել են, որ «Հյուսիսային հոսք-2»-ը առևտրային ծրագիր է և չի պարունակում քաղաքական որևէ ենթատեքստ։