Աֆղանստանի մայրաքաղաքում տեղի ունեցած պայթյունի հետևանքով զոհերի թիվը հասել է 16-ի
Աֆղանստանի մայրաքաղաք Քաբուլի Համիդ Կարզաիի անվան օդանավակայանի մոտակայքում տեղի ունեցած պայթյունի հետևանքով զոհվել է 16 մարդ, վիրավորվել՝ շուրջ 60-ը։ Այս մասին հայտնում է Tolo News-ը՝ հղում կատարելով Աֆղանստանի ներքին գործերի նախարարությանը։
Աղբուրի փոխանցմամբ՝ դեպքը տեղի է ունեցել տեղի ժամանակով 17:00-ի սահմաններում՝ Աֆղանստանի փոխնախագահ Աբդուլ Ռաշիդ Դուստումի ժամանումից անմիջապես հետո։ Վերջինս երկրից հեռացել էր, քանի որ նրան կասկածում էին առևանգում և խոշտանգումներ կազմակերպելու մեջ։
Աֆղանստանի ոստիկանության ներկայացուցչի խոսքով՝ պայթուցիկ սարքը գործարկել է մահապարտ-ահաբեկիչը։ Նրան չի հաջողվել հասնել փոխնախագահին, սակայն ահաբեկիչը հասցրել է գործարկել պայթուցիկը, երբ արդեն անվտանգության աշխատակիները ֆիքսել էին նրան։
Ավելի ուշ հայտի է դարձել, որ պայթյունի պատասխանատվությունն ստանձնել է «Իսլամական պետություն» ահաբեկչական խմբավորումը։
2017 թ․ Աֆղանստանի փոխնախագահ Աբդուլ Ռաշիդ Դուստումը մեկնել էր Թուրքիա, քանի որ կասկածվում էր իր քաղաքական հակառակորդներին առևանգելու և խոշտանգելու մեջ։ Դուստումին պաշտոնապես մեղադրանք չէր առաջադրվել, սակայն նա հետապնդումներից խուսափելու համար որոշեց մեկնել Թուրքիա։ Փոխնախագահի ներկայացուցչի խոսքով՝ Դուստումը մեկնել էր Թուրքիա բուժզննություն անցնելու և իր ընտանիքի անդամներին հանդիպելու նպատակով։