Ամերիկյան հրթիռակիր ռազմանավը մտել է Սև ծով
Ամերիկյան ռազմածովայն ուժերի Carney նավը, որը հագեցած է Aegis հակահրթիռային պաշտպանության համակարգով, մտել է Սև ծով։ Այս մասին ասվում է ԱՄՆ ռազմածովային ուժերի 6-րդ նավատորմի մամուլի ծառայության տարածած հաղորդագրության մեջ։
Նշվում է, որ օգոստոսի 12-ին նավը մտել է Սև ծով «այստեղ անվտանգության ապահովվման միջոցառումներ իրականացնելու և տարածաշրջանում դաշնակիցների նավատորմերի հետ համատեղելիությունն ամրապնդելու նպատակով»։
«Carney նավի Սև ծով մտնելը ցույց է տալիս մեր պատրաստակամությունը տարածաշրջանում կայունություն և անվտանգություն ապահովելու հարցում։ Այն ժամանակը, որը մենք կանցկացնենք Սև ծովում, կօգնի մեզ ամրապնդել դաշնակից պետությունների նավատորմերի հետ համատեղելիությունը, ինչպես նաև փորձի փոխանակման լավ հնարավորություն կլինի», - ասվում է տարածված հաղորդագրության մեջ։
Carney նավը մտնում է ԱՄՆ ռազմածովային ուժերի 6-րդ նավատորմի կազմի մեջ։ Այն Arleigh Burke տեսակի 14-րդ նավն է։ Երկարությունը 154 մետր է։ Շահագործման է հանձնվել 1996 թվականին։ Այն հագեցած է է Aegis հակահրթիռային պաշտպանության համակարգով, Tomahawk և Harpoon հրթիռներով, ստորջրյա հարձակման համակագերով։ Կարող է տանել Sikorsky MH-60R տեսակի երկու հարձակողկական ուղղաթիռ։
Վերջին հոդվածները
ԱՄՆ-ը չի բացառում Սիրիայից զորքերի դուրբերումը չեղարկելու հնարավորությունը․ Չավուշօղլու
Վենեսուելական դատարանը ձերբակալել է ընդդիմության առաջնորդի խորհրդականին
Վիեննայում մեկնարկել են Նիկոլ Փաշինյանի ու Իլհամ Ալիևի բանակցությունները (տեսանյութ)
ՄԱԿ-ում կարծում են, որ ԵՄ-ի հակառուսական պատժամիջոցներից ավելի շատ տուժում է եվրոպական կողմը
ՀՀ ԱԳՆ-ը հաստատում է Նիկոլ Փաշինյանի և Իլհամ Ալիևի հանդիպման մասին լուրերը
