Թրամփը չեղարկել է կիբերհարձակումներ կատարելու կանոնների մասին Օբամայի ստորագրած հրամանագիրը․ WSJ

Օգոստոսի 15-ին ԱՄՆ նախագահ Դոնալդ Թրամփը հրամանագիր է ստորագրել՝ չեղարկելով նախկին նախագահ Բարաք Օբամայի հրամանագիրը, ըստ որի՝ Վաշինգտոնին թույլ էր տրվում կիբերհարձակումներ իրականացնել հակառակորդների նկատմամբ։ Այս մասին գրում է ՏԱՍՍ-ը՝ հղում կատարելով ամերիկյան The Wall Street Journal թերթին։

Աղբյուրի փոխանցմամբ՝ խոսքն այն փաստաթղթի մասին է, որն ամերիկյան կառավարությանը թույլ է տալիս այսպես կոչված կիբերզենք կիրառել հակառակորդների նկատմամբ։ Այս փաստաթուղթը գաղտնի էր, սակայն դրա բովանդակությունը հասանելի է դարձել շնորհիվ ամերիկյան հատուկ ծառայությունների նախկին ղեկավար Էդվարդ Սնոուդենի։

Փաստաթուղթը Օբաման ստորագրել էր 2012 թվականին։ Այժմ հայտնի չէ, թե Թրամփը կոնկրետ ինչ փոփոխություններ է ցանկանում մտցնել։

Թերթը նշում է, որ բազմաթիվ քննադատներ Օբամայի ստորագրած հրամանագիրը համարում էին չափազանց խիստ։ Ըստ Օբամայի վարչակազմի՝ նման կիբերհարձակումները ծրագրվում էին չափազանց մանրամասնորեն և չէին խախտում այս կամ այն ժամաակահատվածում ընթացող էլեկտրոնային լրտեսության գործողությունները։