ԱՄՆ-ը ՌԴ-ի հետ չի համաձայնեցրել Ելցինի և Քլինթոնի հեռախոսզրույցի գաղտնազերծումը
Ամերիկյան կողմը Կրեմլի հետ չի համաձայնեցրել ՌԴ նախկին նախագահ Բորիս Ելցինի և ԱՄՆ նախկին նախագահ Բիլ Քլինթոնի հեռախոսազրույցի գաղտնազերծումը, որի ընթացքում հիշատակվել է Վլադիմիր Պուտինը։ Այս մասին հայտարարել է Կրեմլի մամուլի խոսնակ Դմիտրի Պեսկովը։
«Չեն համաձայնեցրել, խորհրդակցություններ չեն անցկացվել», - ասել է Պեսկովը։
Նա նաև հավելել է, որ գոյություն ունի խոսակցությունների և հեռախոսազրույցների ձայնագրությունների գաղտնազերծման պրակտիկա։
«Դրանք միշտ չէ, որ ենթակա են գաղտնազերծման։ Որպես կանոն, չեն գաղտնազերծվում այն փաստաթղթերը, որոնք վերաբերվում են գործող քաղաքական գործիչներին։ Սա համաշխարհային պրակտիկա է», - ընդծել է Պեսկովը։
Ավելի վաղ ԱՄՆ նախկին նախագահ Բիլ Քլինթոնի անվան գրադարանը հրապարակել էր Բորիս Ելցինի և Քլինթոնի՝ 1999 թ․ տեղի ունեցած մի հեռախոսազրույց, որում ՌԴ առաջին նախագահը բացատրում էր, թե ինչու է որպես իր փոխարինող ընտրել Վլադիմիր Պուտինին։
Հեռախոսազրույցի ընթացքում Ելցինն ասել է, որ առաջիկայում Պուտինը և Քլիթոնը կծանոթանան։
Աղբյուր՝ http://tass.ru/politika/5510296