Իրաքը փակել է իր օդային տարածքը ռուսական ռազմական ինքնաթիռի համար

Իրաքն արգելել է իր օդային տարածք մտնել ռուսական ռազմական ինքնաթիռի։ Ռուսական ռազմաօդային ուժերի Ту-154М ինքնաթիռը Մոսկայից ուղևորվելիս է եղել սիրիական Լաթաքիա, սակայն ստիպված է եղել վերադառնալ Իրան։ Այս մասին գրում է Lenta-ն՝ հղում կատարելով Al-Masdar News-ին։

Նշվում է, որ ինքնաթիռն, ամենայն հավանականությամբ, կրկին փորձելու է թռչել Իրաքի տարածքի վրայով, որպեսզի հասնի Սիրիա։ Բաղդադը դեռ չի հայտնել այդ որոշման պատճառները։

Interfax-ի փոխանցմամբ՝ ռուսական ինքնաթիռները Սիրիա են մեկնում Իրաքի կամ Թուրքիայի տարածքով։ Անկարան նույնպես ռուսական ինքնաթիռներին արգելում է մտնել իր օդային տարածք, սակայն օդանավերը մի քանի անգամ թռիչքներ իրականացրել են այս երթուղիով։

Սիրիան և Իրաքը համաձայնագիր են ստորագրել, որ Իսլամական պետության կամ այլ ահաբեկչական խմբավորումների հարձակումների ժամանակ երկու երկրները պետք է բացեն իրենց օդային սահմանները օգնության հասնող պետությունների ինքնաթիռների համար։

 Ту-154М ինքնաթիռն, ամենայն հավանականությամբ, զինծառայողներ էր տեղափոխում Հմեյմիմ ավիաբազա։ Այդ իսկ պատճառով, Բաղդադի որոշումը Մոսկվայի մոտ հարցեր է առաջացնում։

Աղբյուր՝  https://lenta.ru/news/2018/08/31/iraq/