Հնդկաստանը, չնայած ԱՄՆ-ի ճնշումներին, չի հրաժարվի Ս-400 համակարգը գնելու մտքից
Հնդկաստանն առաջիկայում ԱՄՆ-ի հետ նախարարական 2+2 ձևաչափով հանդիպմանը պատրաստվում է ամերիկյան կողմին հայտնել, որ, չնայած Վաշինգտոնի սահմանափակումներին, Ռուսաստանի հետ կնքելու է Ս-400 զենիթահրթիռային համակարգի ձեռքբերման համաձայնագիրը։ Այս մասին հայտնել են Հնդկաստանի կառավարության աղբյուրները։
«Հնդկաստանը գործնականում ավարտել է Ռուսաստանի հետ Ս-400-ի գործարքը, և մենք ցանկանում ենք առաջ շարժվել։ Մենք ցանկանում ենք ամերիկյան կողմին հայտնել այս հարցում մեր դիրքորոշումը», - ասել է կառավարության բարձրաստիճան պաշտոնյաներից մեկը։
«Հնդկաստանը ցանկանում է հասնել այն բանին, որ ամերիկյան վարչակազմը պատժամիջոցներ չսահմանի իր նկատմամբ, քանի որ ռուսական այս համակարգի ձեռքբերումն անհաժեշտությունը է Ռուսաստանի հետ պաշտպանական ոլորտում սերտ համագործակցության հարցում և տարածաշրջանային այս զարգացումների պայմաններում», - ընդգծել է հնդիկ պաշտոնյան։
Սեպտեմբերի 6-ին Նյու Դելիում ԱՄՆ պետքարտուղար Մայք Պոմպեոն և Պենտագոնի ղեկավար Ջեյմս Մեթիսը մասնակցելու են 2+2 ձևաչափով նախարարարական առաջին հանդիպմանը։ Ամերիկացի պաշտոնյաները հնդիկ գործընկերների հետ պատրաստվում են քննարկել երկկողմ համագործակցությանն առնչվող հարցեր, ինչպես նաև համաձայնեցնել միջազգային անվտանգության հարցում կողմերի դիրքորոշումները։
Ավելի վաղ հաղորդվում էր, որ Հնդկաստանի կողմից ռուսական Ս-400 համակարգերի ձեռքբերման պայմանագիրը կարող է կնքվել մինչև 2018 թվականի ավարտը։ Հնդկաստանն այդպիսով կարող է դառնալ ռուսական այս համակարգի երրորդ գնորդը Չինաստանից և Թուրքիայից հետո։
Վերջին հոդվածները
ԱՄՆ-ը չի բացառում Սիրիայից զորքերի դուրբերումը չեղարկելու հնարավորությունը․ Չավուշօղլու
Վենեսուելական դատարանը ձերբակալել է ընդդիմության առաջնորդի խորհրդականին
Վիեննայում մեկնարկել են Նիկոլ Փաշինյանի ու Իլհամ Ալիևի բանակցությունները (տեսանյութ)
ՄԱԿ-ում կարծում են, որ ԵՄ-ի հակառուսական պատժամիջոցներից ավելի շատ տուժում է եվրոպական կողմը
ՀՀ ԱԳՆ-ը հաստատում է Նիկոլ Փաշինյանի և Իլհամ Ալիևի հանդիպման մասին լուրերը
