Ռուսաստանը և Հնդկաստանը պայմանագիր են կնքել Ս-400 համակարգի մատակարարման վերաբերյալ

Ռուսաստանը և Հնդկաստանը պայմանագիր են կնքել Ս-400 զենիթահրթիռային համակարգի մատակարարման վերաբերյալ։ Այս մասին, ինչպես գրում է Ռիա Նովոստի-ն, հայտնել է ՌԴ նախագահի մամուլի խոսնակ Դմիտրի Պեսկովը։

Նշվում է, որ տվյալ համաձայնագիրը կնքվել է Վլադիմիր Պուտինի՝ Հնդկաստան կատարած այցի ժամանակ։

Պեսկովի փոխանցմամբ՝ զենիթահրթիռային այս համակարգի հինգ օրինակը Հնդկաստանի համար կարժենա 5,43 միլիարդ դոլար։ Այսպիսով Հնդկաստանը կդառնա Ս-400 զենիթահրթիռային համակարգը ձեռք բերող երրորդ երկիրը Չինաստանից և Թուրքիայից հետո։

Ս-400-ը զենիթահրթիռային նորագույն համակարգ է բարձր հեռահարությամբ։ Նախատեսված է ավիացիայի, թևավոր և բալիստիկ հրթիռների, ինչպես նաև ցամաքային տեղակայման օբյեկտների ոչնչացման համար։ Գործողության հեռահարությունը հասնում է 400 կիլոմետրի։ Կարողանում է խոցել թիրախները մինչև 30 կիլոմետր բարձրության վրա։

Վլադիմիր Պուտինը և Հնդկաստանի նախագահ Նարենդրա Մոդին այս համակարգերի ձեռքբերման բանավոր պայմանավորվածություն էին ձեռք բերել դեռ 2016 թվականին։

Հատկանշական է, որ հնդակական բանակի զինտեխնիկայի 70%-ը ռուսական կամ խոհրդային արտադրության է։ Ռուսաստանը Հնդկաստանին մատակարարում է տարեկան մի քանի միլիարդ դոլարի զինամթերք։