Կիմ Չեն Ընը Հռոմի պապին հրավիրել է Փհենյան
ԿԺԴՀ առաջնորդ Կիմ Չեն Ընը Հռոմի պապ Ֆրանցիսկոսին հրավիրել է Փհենյան։ Այս մասին հայտարարել է Հարավային Կորեայի նախագահի աշխատակազմի ներկայացուցիչ Կիմ Ըյ Հյոմը։
«Նախագահ Մուն Չժե Ինը հաջորդ շաբաթ մեկնելու է Եվրոպա, որտեղ պետք է Հռոմի պապ Ֆրանցիսկոսին փոխանցի Հյուսիսային Կորեայի նախագահ Կիմ Չեն Ընի հրավերը Փհենյան», - Սեուլում հայտարարել է Կորեայի Հանրապետության նախագահի աշխատակազմի ներկայացուցիչը։
Նրա խոսքով՝ Կիմ Չեն Ընն այս մասին Մուն Չժե Ինին ասել է սեպտեմբերի 18-ից 20-ը Փհենյանում տեղի ունեցած գագաթնաժողովի ընթացքում։