Ահաբեկչություն՝ Ղրիմի քոլեջներից մեկում․ հաղորդվում է ավելի քան մեկ տասնյակ զոհի մասին
Ղրիմի Կերչի դպրոցում տեղի ունեցած ահաբեկչական գործողության հետևանքով զոհվել է 13 մարդ։ Այս մասին տեղեկացնում է Ռիա Նովոստի-ն՝ հղում կատարելով ՌԴ Քննչական ծառայության տվյալներին։
Նշվում է, որ մահացածների մեծ մասը դեռահասներ են։ Տարբեր աստիճանի մարմնական վնասվածքներ է ստացել շուրջ 50 մարդ։
Ավելի վաղ ՌԴ Ազգային հակաահաբեկչական կոմիտեն հայտնում էր, որ Կերչի քոլեջում տեղի է ունեցել հզոր պայթյուն, որը կատարվել է դեռևս անհայտ նյութի օգնությամբ։
Հարուցվել է քրեական գործ ահաբեկչության հատկանիշներով։ Գործը գտնվում է քննչական ծառայության վարույթում։ Տեղի ունեցածի մասին զեկուցվել է նաև ՌԴ նախագահ Վլադիմիր Պուտինին։
Ղրիմ է ուղարկվել ՌԴ արտակարգ իրավիճակների նախարարության Ил-76 ինքնաթիռը՝ տանելով բժշկական և անհրաժեշտ փրկարարական այլ պարագաներ։
Ղրիմում հայտարարվել է եռօրյա սուգ։