Սերգեյ Շոյգուն առաջին անգամ հանդիպում է ունեցել Ջեյմս Մեթիսի հետ
Ռուսաստանի և ԱՄՆ-ի պաշտպանության նախարարներ Սերգեյ Շոյգուի և Ջեյմս Մեթիսի առաջին հանդիպումը տեղի է ունեցել Հարավարևելյան Ասիայի պետությունների ասոցիացիայի և գործընկերներ պետությունների պաշտպանության նախարարների հինգերորդ խորհրդաժողովի շրջանակներում, որը տեղի է ունեցել Սինգապուրում։
Երկու երկրների պաշտպանական գերատեսչությունների ղեկավարները հանդիպել են գագաթնաժողովի մեկնարից առաջ դահլիճի մուտքի մոտ։ Երկխոսության ընթացքում Մեթիսը Շոյգուին ցավակցել է Կերչում տեղի ունեցած ողբերգության համար։ Նա նշել է, որ ԱՄՆ-ում նույնպես տեղի են ունենում նման դեպքեր, և ամերիկացիներին ծանոթ է ռուսների զգացումները։
Շոյգուն շնորհակալություն է հայտնել ամերիկացի գործընկերոջը և նշել, որ իրենք պետք է ամեն ինչ անեն նման դեպքերը կանխելու համար։
Մինչև գագաթնաժողովի մեկնարկը Շոյգուն հանդիպել է նաև Չինաստանի և Հնդկաստանի պաշտպանության նախարարներին։