Շոյգուն խոսել է Միջին և ցածր հեռահարության հրթիների մասին պայմանագրից ԱՄՆ-ի դուրս գալու հետևանքների մասին

ՌԴ պաշտպանության նախարար Սերգեյ Շոյգուն կարծում է, որ Միջին և ցածր հեռահարության հրթիռների մասին պայմանագրից ԱՄՆ-ի դուրս գալը կարող է լուրջ հետևանքներ ունենալ առաջին հերթին Եվրոպայի համար։

«Մեզ հետաքրքիր է Եվրոպայի արձագանքը ՄՑՀՀՊ-ից դուրս գալու մասին ԱՄՆ-ի որոշմանը։ Ցանկանում եմ նաև, որ Եվրոպան իմանա և հասկանա այն հետևանքները, որ կարող են լինել Եվրոպայի տարածքում միջին և ցածր հեռահարության հրթիռների տեղակայումից հետո», - Հունաստանի պաշտպանության նախարարի հետ հանդիպման ժամանակ ասել է Շոյգուն։

«Ինձ թվում է՝ Եվրոպայում չեն հասկանում, որ Միջին և ցածր հեռահարության հրթիռների մասին պայմանագրից դուրս գալու որոշումը առաջին հերթին ազդելու է հենց Եվրոպայի վրա։ Կարծում եմ՝ ավելի լավ կլիներ, որ այս հարցով ավելի լայն քննարկում կազմակերվեր ՆԱՏՕ-ի և ԵՄ-ի շրջանակներում», - շարունակել է Շոյգուն։

Հիշեցնենք, որ հոկտեմբերի 20-ին ԱՄՆ նախագահը հայտարարել էր, որ պատրաստվում է դուրս գալ Միջին և ցածր հեռահարության հրթիռների մասին համաձայնագրից, քանի որ Ռուսաստանն, իր կարծիքով, խախտում է համաձայնագրի դրույթները։

Միացյալ Նահանգները Ռուսաստանին ՄՑՀՀՊ-ի դրույթերը խախտելու մեջ առաջին անգամ մեղադրել է 2014 թ․ ամռանը։ Դրանից հետո ևս մի քանի անգամ Վաշինգտոնը կրկնել է նույն մեղադրանքը, որը Մոսկվան կտրականապես հերքել է։

Աղբյուր՝  https://lenta.ru/news/2018/10/29/tonky_lyod/