Աֆղանստանում տեղի ունեցած պայթյունի հետևանքով զոհվել է 7 մարդ
Աֆղանստանում բանտերից մեկի մոտ տեղի ունեցած պայթյունի հետևանքով զոհվել է 7 մարդ, վիրավորվել՝ 5-ը։ Այս մասին տեղեկացնում են Աֆղանստանի անվտանգության ծառայությունները։
Աղբյուրի փոխանցմամբ՝ դեպքը տեղի է ունեցել հոկտեմբերի 31-ի առավոտյան Քաբուլի արևելքում գտնվող Pul-e-Charkhi բանտի մոտակայքում։ Պայթեցվել է ավտոմեքենա, որի մեջ են եղել բանտի աշխատակիցներ։
Հատկանշական է, որ երկրի ներքին գործերի նախարարությունը դեռ չի հաստատել պայթյունի փաստը։ Աֆղանստանում գործող ծայրահեղական խմբավորումներից ոչ մեկը դեռ չի ստանձնել տեղի ունեցածի պատասխանատվությունը։