Վաշինգտոնում ՌԴ դեսպանատունը ԱՄՆ քաղաքացիներին հրավիրում է Ղրիմ

Ղրիմի հանգստավայրերի նկատմամբ պատժամիջոցներն ավելի հանրահայտ են դարձնում դրանք։ Այս մասին հայտարարել են ԱՄՆ-ում Ռուսաստանի դեսպանատանը։

«ԱՄՆ-ի իշխանությունները շարունակում են հերթապահ ռեժիմով պատժամիջոցներ սահմանել Ղրիմի նկատմամբ։ Մեզ խոստացել էին դա անել երկու ամիսը մեկ անգամ։ Այսպիսով՝ հաջորդ փուլը տեղի է ունենալու Ամանորի նախաշեմին։ Խոստովանում ենք, որ վաղուց արդեն չենք հասկանում, թե ամերիկյան կողմն ինչի է ուզում հասնել դրանով», - ասվում է դեսպանատան ֆեյսբուքյան հայտարարության մեջ։

ՌԴ դիվանագիտական ներկայացուցչության աշխատակիցները նաև ԱՄՆ քաղաքացիներին հրավիրել են ղրիմյան հանգստավայրեր։

Հիշեցնենք, որ ավելի վաղ Միացյալ Նահանգները պատժամիջոցներ էր սահմանել Ղրիմի մի շարք հանգստյան տների և առողջարանների նկատմամբ։ Պատժամիջոցներ են սահմանվել նաև «Հարավային ծրագիր» ընկերության նկատմամբ, որը 2017 թ․ վերջին գնել էր Ղրիմի շամպայն գինիների գործարանը։

Աղբյուր՝  https://ria.ru/world/20181109/1532420700.html