Արևմուտքի պատժամիջոցները չեն կարող Ռուսաստանը մեկուսացնել․ Financial Times

Արևմտյան պատժամիջոցները նախատեսված էին Ռուսաստանը մեկուսացնելու համար, սակայն դրանք մշակողների հռետորաբանությունը հակասում է իրականությանը․ Ռուսաստանը կարողանում է զենք վաճառել և դաշինքներ կնքել։ Այս մասին ասվում է Financial Times թերթում տեղ գտած հոդվածում։

«Արևմուտքի հակառուսական պատժամիջոցները, որոնք առաջին անգամ սահմանվել են 2014 թվականին, նպատակ էին հետապնդում Մոսկվան աշխարհից առանձնացնելու և Ռուսաստանի կենսական նշանակություն ունեցող ոլորտները մեկուսացնելու։ Այդ փորձերը, սակայն, ձախողվեցին, պատժամիջոցները չհասան իրենց նպատակին», - գրում է թերթը։

Որպես ասվածի ցայտուն օրինակ հեղինակը նշում է Չինաստանին և Հնդկաստանին ռուսական Ս-400 համակարգերի վաճառքը։

«Ավելի ամուր բարեկամական հարաբերությունները Չինաստանի հետ Մոսկվային նոր առևտրային հնարավորություններ են տալիս։ Ռուսաստանը հարաբերությունները բարելավում է նաև Մերձավոր Արևելքի երկրների հետ՝ Թուրքիայից մինչև Իսրայել, Սաուդյան Արաբիայից մինչև Իրան», - գրում է թերթը։

Նշվում է նաև, որ եվրոպացի բարձրաստիճան պաշտոնյաների շարունակական այցերը Կրեմլ, ինչպես նաև Եվրոպայում ռուսական նավթի և գազի պահանջարկի բարձրացումը հակասում են Բրյուսելի «մարտական հռետորաբանությանը»։

«Հնարավոր չէ մեկուսացնել այնպիսի մեծ և զհոր պետության ինչպիսին Ռուսաստանն է», - FT-ը մեջբերել է միջազգային խոշորագույն էներգետիկ ընկերության ղեկավարի խոսքերը։

Թերթը հավելում է նաև, որ Արևմուտքի դիվանագետները Մոսկվայում «ոչ պաշտոնական միջավայրում բազմիցս նշել են, որ պատժամիջոցները ցանկալի նպատակին չեն հասել»։