Մերկելն առաջարկում է ստեղծել Եվրոպայի Անվտանգության խորհուրդ
Գերմանիայի կանցլեր Անգելա Մերկելը հանդես է եկել Եվրոպայի Անվտանգության խորհուրդ ստեղծելու առաջարկով։ Այս մասին Մերկելը խոսել է Ստրասբուրգում Եվրոպական Խորհրդարանի անդամների մոտ ունեցած ելույթի ժամանակ։
«Ես առաջարկում եմ ստեղծել Անվտանգության խորհուրդ, որը կաշխատի փոփոխականության սկզբունքով և ունակ կլինի արագ որոշումներ կայացնել», - ասել է Մերկելը։
Կանցլերի խոսքով՝ միայն ամուր Եվրոպան կարող է թույլ տալ իր ձայնը լսելի դարձնել միջազգային հարթակներում։ Մերկելը կարծում է, որ Եվրոպական Միությանն անհրաժեշտ է լինել ավելի ինքնուրույն, որպեսզի ինքնուրույն որոշումներ կայացնի իր ապագայի վերաբերյալ։
Նա նաև ողջունել է համաեվրոպական բանակ ստեղծելու գաղափարը և նշել, որ իրենց դրանով աշխարհին ցույց կտան, որ եվրոպական երկրների միջև հնարավոր չէ նոր պատերազմ։
«Դա չի լինի բանակ ՆԱՏՕ-ի դեմ, այլ հաջողությամբ կփոխլրացնի դրան», - ասել է Գերմանիայի կանցլերը։
Հիշեցնենք, որ նոյեմբերի 6-ին Ֆրանսիայի նախագահ Էմանուել Մակրոնը հայտարարել էր, որ Եվրոպան պետք է ստեղծի միասնական զինված ուժեր ԱՄՆ-ից, Չինաստանից և Ռուսաստանից պաշտպանվելու համար։ Այս հայտարարությունը խիստ քննադատության էր արժանացել ԱՄՆ նածագահ Դոնալդ Թրամփի կողմից, որը կրկին կոչ էր արել եվրոպական երկրների ավելացնել ֆինասնական ներդրումները ՆԱՏՕ-ում։
Համաեվրոպական բանակ ստեղծելու գաղափարը քննադատել է նաև ՆԱՏՕ-ի գլխավոր քարտուղար Յենս Սթոլթենբերգը։ Նրա կարծիքով՝ Եվրոպայի պաշտպանությունը հնարավոր չէ պատկերացնել առանց ԱՄՆ-ի, իսկ եվրոպական միասնությունը «երբեք չի կարող փոխարինել անդրատլանտյանին»։