Հարավային Կորեայում հույս ունեն, որ Կիմ Չեն Ընը Սեուլ կայցելի մինչև այս տարվա վերջ

ԿԺԴՀ առաջնորդ Կիմ Չեն Ընի այցը Հարավային Կորեա տեղի կունենա մինչև այս տարվա ավարտը՝ չնայած Փհենյանի և Վաշինգտոնի միջև  երկխոսությունում առաջընթացի բացակայությանը։ Այս մասին հայտարարել է Հարավային Կորեայի միավորման նախարարության պաշտոնական ներկայացուցիչ Պեկ Դե Հյոնը։

«Մենք շարունակում ենք Հյուսիսի և Հարավի միջև ձեռք բերված համաձայնությունների իրականացումը, այդ թվում՝ Կիմ Չեն Ընի այցը Սեուլ այնպես, որ դա տեղի ունենա մինչև ընթացիկ տարվա ավարտը», - ասել է նախարարության ներկայացուցիչը։

Հիշեցնենք, որ 2018 թ․ սեպտեմբերին Փհենյանում կայացած միջկորեական համաժողովի ժամանակ Կիմ Չեն Ընը հայտարարել էր, որ պատրաստվում է առաջիկայում այցելել Հարավային Կորեա։ Ավելի ուշ Հարավային Կորեայի նախագահ Մուն Չժե Ինը հայտարարել էր, որ Կիմ Չեն Ընի այցը կարող է տեղի ունենալ մինչև 2018 թ․ ավարտը։

Ապամիջուկայնացման հարցով Փհենյանի և Վաշինգտոնի երկխոսությունում առաջընթացի բացակայությունը և երկու երկրների բարձրաստիճան պաշտոնյաների միջև վերջին հանդիպման չեղարկումը մասնագետներին ստիպում է մտածել, որ Կիմ Չեն Ընի այցը Սեուլ հազիվ թե տեղի ունենա։

Աղբյուր՝  https://tass.ru/mezhdunarodnaya-panorama/5806934