Աֆղանստանում ամերիկացի գեներալի այցի ժամանակ զինյալները գնդակոծել են Գազնի քաղաքը
Այսօր՝ նոյեմբերի 21-ին, Աֆղանստանում զինյալները հրթիռային հարվածներ են հասցրել երկրի արևելքում գտնվող Գազնի քաղաքի կենտրոնին։
Այս մասին տեղեկացնում է 1TV հեռուստաալիքը։
Հատկանշական է, որ հարվածները տեղի են ունեցել Աֆղանստանում ԱՄՆ-ի և ՆԱՏՕ-ի զորքերի հրամանատար, ամերիկացի գեներալ Սքոթ Միլլերի այցի ժամանակ։
Հարձակման հետևանքով զոհեր և վիրավորներ չեն գրանցվել։ Աֆղանստանում գործող որևէ ծայրահեղական խմբավորում դեռ չի ստանձնել տեղի ուենցածի հարձակման պատասխանատվությունը։