G20-ի ընթացքում Պեկինը չի հաշտվի իր շահերի դեմ որևէ գործողության կամ դիրքորոշման հետ․ Չինաստանի ԱԳՆ
G20-ի գագաթնաժողովի ժամանակ Չինաստանը չի պատրաստվում հաշտվել այն գործողությունների կամ դիրքորոշումների հետ, որոնք վնաս են հասցնում իր հետաքրքրություններին։ Այս մասին մամուլի ասուլիսի ժամանակ հայտարարել է Չինաստանի արտաքին գործերի նախարարի տեղակալ Չժան Ցզյունը։
«Չինաստանը երբեք չի հաշտվի այնպիսի դիրքորոշումների կամ գործողությունների հետ, որոնք վնաս են հասցնում իր արմատական շահին։ Մենք հույս ունենք, որ G20-ի գագաթնաժողովը հաջողությամբ կավարտվի», - ասել է Չինաստանի արտաքին գործերի փոխնախարարը։
Նրա խոսքով՝ Պեկինը շատ է կարևորում Արգենտինայում կայանալիք առաջիկա գագաթնաժողովը, որի ընթացքում պատրաստվում է արտահայտել իր դրական և կառուցողական դիրքորոշումը տարբեր հարցերի շուրջ։
«Նախագահ Սի Ցզինպինն արդեն 6-րդ անգամ է մասնակցելու G20-ի գագաթնաժողովին։ Սա ցույց է տալիս, որ Պեկինը բարձր է գնահատում այս հարթակը», - ընդգծել է Չինաստանի արտաքին քաղաքական գերատեսչության ներկայացուցիչը։
Հիշեցնենք, որ Մեծ քսանյակի գագաթնաժողովը տեղի է ունենալու նոյեմբերի 30-ին և դեկտեմբերի 1-ին Արգենտինայի մայրաքաղաք Բուենոս Այրեսում։
Վերջին հոդվածները
ԱՄՆ-ը չի բացառում Սիրիայից զորքերի դուրբերումը չեղարկելու հնարավորությունը․ Չավուշօղլու
Վենեսուելական դատարանը ձերբակալել է ընդդիմության առաջնորդի խորհրդականին
Վիեննայում մեկնարկել են Նիկոլ Փաշինյանի ու Իլհամ Ալիևի բանակցությունները (տեսանյութ)
ՄԱԿ-ում կարծում են, որ ԵՄ-ի հակառուսական պատժամիջոցներից ավելի շատ տուժում է եվրոպական կողմը
ՀՀ ԱԳՆ-ը հաստատում է Նիկոլ Փաշինյանի և Իլհամ Ալիևի հանդիպման մասին լուրերը
