Ամերիկյան ռազմանավը ցուցադրաբար անցել է ռուսական բազայի մոտով
Դեկտեմբերի 5-ին ամերիկյան հրթիռային կործանիչ McCampbell ռազմանավը մոտ հեռավորությամբ անցել է ռուսական ռազմածովային ուժերի խաղաղօվկիանոսյան նավատորմի բազայի մոտով։ Այս մասին գրում է Ռիա Նովոստի-ն՝ հղում կատարելով ԱՄՆ ռազմածովային ուժերի հաղորդագրությանը։
«McCampbell լողացել է Պետրոս Մեծի նեղուցի մոտակայքում, որպեսզի մարտահրավեր նետի Ռուսաստանի ծովային նկրտումներին և պաշտպանի ծովի օգտագործման օրինական ազատությունը, որը գտնվում է ԱՄՆ-ի և այլ պետությունների տրամադրության տակ», - ասել է ԱՄՆ-ի ռազմածովային ուժերի խաղաղօվկիանոսյան նավատորմի ներկայացուցիչը։
Նրա խոսքով, սակայն, սա կապված չէ Կերչի նեղուցում ուկրաինական նավերի մասնակցությամբ տեղի ունեցած միջադեպի հետ։ Նա նշել է, որ ամերիկացի զինծառայողները «լողալու են, թռչելու են և գործելու են այն վայրերում, որտեղ միջազգային իրավունքը թույլ է տալիս»։
Պետրոս Մեծի նեղուցը Ճապոնական ծովի ռուսական ափերի ամենամեծ նեղուցն է։ Այն գտնվում է միայն մեկ պետության սահմանների մոտ։ Լայնությունը հասնում է ավելի քան 24 ծովային մղոնի։ Նման դեպքերում պետությունը նեղուցը համարում է սեփական ջրային տարածք։
Պետրոս Մեծի նեղուցի ափերին են գտնվում Վլադիվոստոկ, Նախոդկա, Բոլշոյ Կամեն, Ֆոկինո քաղաքները, ինչպես նաև Խաղաղ օվկիանոսում ռուսական խոշորագույն նավահանգիստը՝ Արևելյանը։