Թուրքիայում Գյուլենական շարժման հետ կապեր ունենալու կասկածանքով ձերբակալության հրաման է արձակվել 64 զինծառայողի նկատմամբ
Անկարայի գլխավոր դատախազությունը Թուրքիաում ահաբեկչական կազմակերպություն համարվող Գյուլենական շարժման հետ առնչություն ունենալու կասկածաքով ձերբակալության հրահանգ է տվել 64 զինծառայողների նկատմամբ։ Այս մասին տեղեկացնում է Haberturk-ը։
Նշվում է, որ գործողությունն իրականացվում է 2016 թ․ Թուրքիայում տեղի ունեցած պետական հեղաշրջման փորձի հետաքննության շրջանակներում։ Կասկածյալների թվում են երկրի զինված ուժերի ցամաքային զորքերի սերժանտական կազմի 35 անդամներ և ժանդարմի հրամանատարության 29 անդամներ։ Նրանցից շատերը մեղադրվում են Գյուլենական շարժման իմամների հետ կապ պաշտպանելու մեջ։ Վերջիններս զբաղվում են զինվորականներ հավաքագրելու գործով։
Հիշեցնենք, որ Անկարան 2016 թ․ հուլիսի 15-ին տեղի ունեցած հեղաշրջման փորձի կազմակերպման մեջ մեղադրում է արդի իսլամական գաղափարախոսության հիմնադիր Ֆեթուլլահ Գյուլենին, որը 1999 թվականից բնակվում է ԱՄՆ-ում։
Թուրքիայի նախագահ Ռեջեփ Թայիփ Էրդողանն ԱՄՆ-ի իշխանություններից մի քանի անգամ պահանջել է Գյուլենին ձերբակալել և արտահանձնել Թուրքիային, սակայն մերժում է ստացել։ Ըստ ամերիկյան կողմի՝ Թուրքիայի իշխանությունները չեն տրամադրել հեղաշրջման փորձին Գյուլենի մասնակցության վերաբերյալ բավարար ապացույցներ։