ԱՄՆ-ը փորձում է համագործակցության եզրեր գտնել Ռուսատանի հետ․ Պոմպեո
Միացյալ Նահանգները ջանք չի խնայում Ռուսաստանի հետ հնարավոր համագործակցության եզրեր գտնելու համար, սակայն Մոսկվան նույն կերպ չի պատասխանում։ Այս մասին Fox News-ին տված հարցազրույցի ժամանակ հայտարարել է ԱՄՆ պետքարտուղար Մայք Պոմպեոն։
ԱՄՆ-ի արտաքին քաղաքական գերատեսչության ղեկավարի խոսքով՝ Դոնալդ Թրամփի վարչակազմը միջազգային արենաներում մի շարք քայլեր է ձեռնարկել Մոսկվայի դեմ, որոնք չի կարելի համարել դրական։
«Միևնույն ժամանակ մենք փնտրում ենք Մոսկվայի հետ հնարավոր համագործակցության եզրեր։ Փորձում ենք գտնել հնարավորություններ, երբ ամերիկյան և ռուսական շահերը համընկնում են, անգամ, եթե մեր արժեհամակարգերը տարբեր են», - նշել է Պոմպեոն։
Նա հավելել է նաև, որ Ռուսաստանի բարձրագույն իշխանությունը «մինչ օրս չի փորձել համագործակցել ԱՄՆ-ի հետ, չնայած վերջինիս կողմից բազմաթիվ փորձեր են եղել համագործակցության եզրեր գտնելու»։