Ամերիկյան ռազմանավը Սև ծովում է՝ համաձայն միջազգային իրավունքի․ Պենտագոն

Ամերիկյան ռազմածովային ուժերի Fort McHenry դեսանտային նավը Սև ծովում է՝ համաձայն նեղուցների մասին կոնվենցիայի և չի խախտում միջազգային իրավունքի նորմերը։ Այս մասին ՏԱՍՍ-ի թղթակցին ասել է ԱՄՆ ռազմածովային ուժերի ներկայացուցիչ Ջեֆերի Դորսին։

«Մենք պարբերաբար աշխատում ենք Սև ծովում համաձայն Մոնթոյի կոնվենցիայի՝ չխախտելով միջազգային իրավունքի նորմերը, և շարունակելու ենք դա անել», - ասել է Դորսին՝ հավելելով, որ նավն ուղևորվել է Սև ծով նախապես հաստատված ծրագրով։

Ավելի վաղ հայտնի էր դարձել, որ Fort McHenry նավը մտել է Ռումինիայի Կոնստանցի նավահանգիստ։ Շրջայցի ավարտից հետո վերոնշյալ հածանավը ռումինական Regele Ferdinand ռազմանավի հետ համատեղ զորավարժություններ կանցկացնի Ռումինիայի տարածքային ջրերում և Սև ծովի միջազգային ջրերում։