Թրամփը և Մակրոնը քննարկել են Սիրիայից ամերիկյան զորքերի դուրսբերման հարցը
ԱՄՆ նախագահ Դոնալդ Թրամփը Ֆրանսիայի նախագահ Էմանուել Մակրոնի հետ զրույցի ընթացքում քննարկել է Սիրիայից ամերիկյան զորքերի դուրսբերման հարցը։ Այս մասին գրում է Reuters գործակալությունը՝ հղում կատարելով Սպիտակ տան աղբյուրին։
«Երկու երկրների ղեկավարները քննարկել են Սիրիայում տիրող իրավիճակը և հաստատել իրենց հավատարմությունը Իսլամական պետության ոչնչացման հարցին։ Քննարկվել է նաև Սիրիայից ամերիկյան զորքերի կոորդինացված դուրբերման պլանը», - ասվում է Սպիտակ տան հաղորդագրության մեջ։
Աղբյուրի փոխանցմամբ՝ զրուցակիցները նաև ընդգծել են, որ անթույլատրելի է «Սիրիայում քիմիական զենքի կիրառման ցանկացած նոր փորձ»։
Հիշեցնենք, որ ավելի վաղ՝ դեկտեմբերի 23-ին, Էմանուել Մակրոնը հայտարարել էր, որ ցավում է Սիրիայից զորքերը դուրս բերելու մասին Թրամփի որոշման համար։