Արարատ Միրզոյանը՝ ՀՀ 7-րդ գումարման Ազգային ժողովի նախագահ
ՀՀ 7-րդ գումարման Ազգային ժողովի նախագահ է ընտրվել Արարատ Միրզոյանը։ Այս մասին, ինչպես գրում է «Արմենպրես»-ը, Ազգային ժողովի առաջին նիստի ընթացքում հայտնել է ԱԺ հաշվիչ հանձնախմբի ղեկավար Վահագն Հովակիմյանը:
«Փակ և գաղտնի քվեարկությամբ ԱԺ 132 պատգամավորների 131 կողմ ձայնով ՀՀ Ազգային ժողովի նախագահ է ընտրվել «Իմ քայլը» խմբակցության կողմից առաջադրված թեկնածու Արարատ Միրզոյանը»,- ասել է Հովակիմյանը՝ հավելելով, որ անվավեր է եղել 1 քվեաթերթիկ։
«Այսպիսի քվեն իսկապես պարտավորեցնող է: ԱԺ նախագահի պաշտոնում յուրաքանչյուր րոպե աշխատելու եմ հիշել այս պարտավորությունը: Այժմ մոտենալու եմ խմբակցությունների ղեկավարներին և շնորհակալություն հայտնեմ», - ասել է Միրզոյանը: