Էմանուել Մակրոնն ապրիլի 24-ը հռչակել է Հայոց Ցեղասպանության հիշատակի օր
Ֆրանսիայի նախագահ Էմանուել Մակրոնը Փարիզում հայ համայնքի հետ ամենամյա ընթրիքի ժամանակ հայտարարել է, որ ապրիլի 24-ը նշվելու է Հայոց ցեղասպանության հիշատակի ազգային օր։ Այս մասին տեղեկացնում է «Արմենպրես»-ը։
«Ֆրանսիան գիտի, թե ինչպես առերեսվել պատմությանը: Այն առաջիններից էր, որ 1915 թ. հայ ժողովրդի զանգվածային սպանություններն անվանեց ցեղասպություն և 2001 թ. ճանաչեց օրենքի ուժով», - աղբյուրի փոխանցմամբ, ասել է Մակրոնը։
Նա հավելել է, որ ապրիլի 24-ը Հայոց ցեղասպանության հիշատակի օր հռչակելու գործընթացն ավարտին կհասցվի առաջիկա շաբաթների ընթացքում:
Ֆրանսիայի հայկական կազմակերպությունների համակարգող խորհրդի հրավիրած ընթրիքին Մակրոնը նաև հարգանքի տուրք է մատուցել աշխարհահռչակ շանսոնյե Շառլ Ազնավուրի հիշատակին: