ՀԱՊԿ-ում հայտարարել են Եվրոպայում նոր միջուկային ավիառումբեր տեղակայելու ԱՄՆ-ի ծրագրերի մասին

Միացյալ Նահանգները պատրաստվում է 2020 թ․ առաջին կեսին Եվրոպայում տեղակայել արդիականացված զինտեխնիկա։ Այս մասին հայտարարել է ՀԱՊԿ  միացյալ շտաբի պետ Անատոլի Սիդորովը։

«Միջազգային կայունությունը խախտելու ԱՄՆ-ի ձգտումների մասին են վկայում 2018 թ․ վերջին հաստատված ծրագիրը առաջադեմ ավիացիոն միջուկային զինատեսակների սերիական արտադրության մասին», - հայտարարել է Սիդորովը։

Նրա խոսքով՝ այսօր Նիդերլանդներում, Գերմանիայում, Բելգիայում, Թուրքիայում և Իտալիայում պահվում են նախկին սերնդի չօգտագործված շուրջ 200 ռումբեր։

«Ընդ որում, ամերիկացի մասնագետների կողմից նման զինատեսակների ստեղծումը, վերանշյալ պետությունների զինված ուժերի կազմում համալրելը և դրանք միջուկային մարտագլխիկներով հագեցնելն ուղղակիորեն խախտում է Միջուկային զենքի չտարածման մասին պայմանագիրը», - ասել է Սիդորովը։

Ավելի վաղ ՌԴ արտաքին գործերի նախարար Սերգեյ Լավրովը, խոսելով Միջին և ցածր հեռահարության հրթիռների ոչնչմացման մասին պայմանագրից ԱՄՆ-ի դուրս գալու մասին, հայտարարել էր, որ Մոսկվային անհանգստացնում է նաև ԱՄՆ-ի մոտեցումը Միջուկային զենքի չտարածման մասին պայմանագրին։