Բլոգերին արգելափակել են արական և իգական սեռերից բացի այլ սեռի գոյությունն անհնար համարող հայտարարության համար

HelenaLive անունով հայտնի բլոգերին հեռացրել են TwitchTV-ից այն բանի պատճառով, որ նա ուղիղ եթերի ժամանակ հայտարարել է, որ կա երկու սեռ՝ արական և իգական։ Այս մասին, ինչպես գրում է Lenta-ն, բլոգերը խոսել է յութուբյան իր ալիքի եթերում։

Նրա խոսքով՝ այդ տեսանյութը համացնացում արգելափակվել է, քանի որ դրանում եղել են «տրանսգենդեր համայնքին վիրավորող մեկնաբանություններ»։ HelenaLive-ը պնդում է, որ «վիրավորական մեկնաբանությունները» կապված են միայն երկու սեռի գոյության մասին հայտարարության հետ։

TwitchTV-ի՝ բլոգերին ուղարկած նամակում ասվում է, որ վերջինս առաջին անգամ չէ, որ դրսևորում է նման վերաբերմունք։

«Ձեր վերջին արարքն ապացուցեց, որ Դուք չեք հասկանում՝ ինչ է նշանակում ատելության խոսք և ինչպես կարող է այն ազդել Ձեր ալիքի հետևորդների վրա», - ասվում է բլոգերին ուղարկած նամակում։

HelenaLive-ը  կարծում է, որ Twitch-ի մոդերատորները ճիշտ չեն մեկնաբանել իր խոսքերը։

«Ես հատուկ նշել եմ, որ նորմալ է, երբ տղամարդը ցանկանում է լինել կին, իսկ կինը՝ տղամարդ, սակայն հնարավոր չէ լինել սեզոք սեռի», - ասել է նա՝ բացատրելով թե ինչու են արգելափակել իր յութուբյան ալիքը։