Թուրքիայում Գյուլենական շարժման հետ առնչություն ունենալու մեղադրանքով կձերբակալվի ավելի քան 1000 մարդ

Տեղադրվել է 12/02/2019.
© РИА Новости / Антон Денисов

Փետրվարի 12-ին Թուրքիայի անվտանգության ուժերը երկրի 76 շրջաններում անցկացրել են հակաահաբեկչական զանգվածային գործողություններ։ Այս մասին տեղեկացնում է TGRT Haber հեռուստաալիքը։

Աղբյուրի փոխանցմամբ՝ երկրի գլխավոր դատախազությունը արձակել է 1112 մարդու ձերբակալելու հրահանգ։ Այս անձինք մեղադրվում են Գյուլենական շարժման հետ առնչություն ունենալու մեջ։ Այս շարժումը Թուրքիայում համարվում է ահաբեկչական կազմակերպություն։

Հիշեցնենք, որ Անկարան 2016 թ․ հուլիսի 15-ին տեղի ունեցած հեղաշրջման փորձի կազմակերպման մեջ մեղադրում է արդի իսլամական գաղափարախոսության հիմնադիր Ֆեթուլլահ Գյուլենին, որը 1999 թվականից բնակվում է ԱՄՆ-ում։

Թուրքիայի նախագահ Ռեջեփ Թայիփ Էրդողանն ԱՄՆ-ի իշխանություններից մի քանի անգամ պահանջել է Գյուլենին ձերբակալել և արտահանձնել Թուրքիային, սակայն մերժում է ստացել։ Ըստ ամերիկյան կողմի՝ Թուրքիայի իշխանությունները չեն տրամադրել հեղաշրջման փորձին Գյուլենի մասնակցության վերաբերյալ բավարար ապացույցներ։  

Որոշիչ բառեր: Թուրքիա, Գյուլենական շարժում

Վերջին հոդվածները

Տեսնել բոլոր հոդվածները

We use cookies to ensure that we give you the best experience on our website. You may delete and block all cookies from us, but certain parts of the site may not work properly.