Պեկինը հերքում է Վենեսուելայի ընդդիմության հետ բանակցություններ սկսելու մասին տեղեկությունները
Վենեսուելայի ընդդիմության հետ բանակցություններ սկսելու մասին The Wall Street Journal թերթի հրապարակած տեղեկությունները չեն համապատասխանում իրականությանը։ Այս մասին հայտարարել է Չինաստանի արտաքին գործերի նախարարության պաշտոնական ներկայացուցիչ Հուա Չունյինը։
«Wall Street Journal թերթը երեկ հրապարակել է մի հոդված, քանի դեռ մենք պատրաստում էինք մեր պատասխանը։ Սա շատ ապակառուցողական և ոչ պրոֆեսիոնալ մոտեցում է։ Այդ տեղեկությունները չեն համապատասպանում իրականությանը․ դրանք կեղծ են», - հայտարարել է Չինաստանի ԱԳՆ-ի ներկայացուցիչը։
Ավելի վաղ լրատվականը հայտնել էր, որ Պեկինն անհանգստացած է Բոլիվարյան Հանրապետությունում իր ներդրումներով և այստեղ է ուղարկել իր դիվանագետներին ընդդիմության ճամբարում Խուան Գուաիդոյի հետ քննարկելու ստեղծված իրավիճակը։
Փետրվարի 1-ին Գուաիդոն հայտարարել էր, որ իշխանափոխությունը ավելի ձեռնտու կլինի Չինաստանի և Ռուսաստանի համար, որոնք Վենեսուելայի խոշորագույն վարկատուներն են։ Նրա խոսքով՝ Նիկոլաս Մադուրոն ի վիճակի չէ պաշտպանել որևէ մեկի շահերը և այդ պատճառով էլ չի կարող հարմար լինել Մոսկվայի և Պեկինի համար։
Հունվարի 25-ին Ռուսաստանի հրաժարվել էր Գուաիդոյին ճանաչել որպես Վենեսուելայի նախագահ։ Չինաստանը մասամբ համաձայնել էր Մոսկվայի դիրքորոշմանը՝ ՄԱԿ-ի Անվտանգության խորհրդում դեմ քվեարկելով ընդդիմությանն աջակցելու մասին ԱՄՆ-ի առաջարկին։