Լեհաստանը պատրաստվում է 50 միլիարդ դոլար տրամադրել զինված ուժերի արդիականացմանը

Լեհաստանը պատրաստվում է առաջիկա մի քանի տարվա ընթացքում մոտ 50 միլիարդ դոլար ծախսել իր զինված ուժերի արդիականացման վրա։ Այս մասին հայտարարել է Լեհաստանի պաշտպանության նախարար Մարիուշ Բլաշակը։

«Ես ստորագրել եմ կարևոր փաստաթղթերից մեկը՝ մինչև 2026 թ․ տեխնիկանական արդիականացման ծրագիրը», - ասել է Լեհաստանի պաշտպանության նախարարը՝ հավելելով, որ ամբողջ ծրագիրը կարժենա 49 միլիարդ դոլար։

Լեհաստանի պաշտպանական գերատեսչության փոխանցմամբ՝ այս ծրագիրը զինված ուժերի ռազմավարության ամենակարևոր փաստաթղթերից մեկն է։ Այն իր մեջ ներառում է բանակի արդիականացման մի քանի ծրագիր։ Մասնավորապես՝ այն նախատեսում է զարգացնել օպերատիվ հնարավորությունները և ժամանակակից զինատեսակների ստեղծումը։

Հիշեցնենք, որ փետրվարի 13-ին Լեհաստանը Միացյալ Նահանգների հետ կնքել էր ամերիկյան HIMARS (High Mobility Artillery Rocket System) հրթիռային համակարգերի մատակարարման մասին համաձայնագիր։ Բլաշակի խոսքով՝ նոր զինատեսակները կօգնեն ապահովել Լեհաստանի անվտանգությունը և կմեծացնեն ռազմական հնարավորությունները։

Կնքված պայմանագրի համաձայն՝ Վարշավան կստանա 20 գործարկման կայան, ռազմամթերք, ինչպես նաև ուսումնական և կազմակերպչական փաթեթներ։ Այս ամենի արժեք կկազմի 414 միլիոն դոլար։