ՆԱՏՕ-ի առաջիկա գագաթնաժողովին քննարկվելու է Վրաստանի անդամակցության հարցը․ Սթոլթենբերգ

ՆԱՏՕ-ի առաջիկա գագաթնաժողովի ժամանակ, որը տեղի է ունենալու հուլիսին, քննարկվելու է Դաշինքին անդամագրվելու ճանապարհին Վրաստանի գրանցած արդյունքները։

Այս մասին հայտարարել է ՆԱՏՕ-ի գլխավոր քարտուղար Յենս Սթոլթենբերգը․ գրում է Ռիա Նովոստի-ն։

«Ես կարծում եմ, որ բոլոր անդամ պետություններն իրենց վճռական աջակցությունը կհայտնեն Վրաստանին Դաշինքին անդամագրվելու հարցում․ մենք կշարունակենք քաղաքական և գործնական աջակցություն ցուցաբերել Թբիլիսիին», - ասել է Սթոլթենբերգը՝ Դաշինքի անդամ պետությունների արտգործնախարարների գագաթնաժողովին ժամանակ, որն անցկացվում է Բրյուսելում։

Գլխավոր քարտուղարի խոսքով՝ առաջիկա գագաթնաժողովին քննարկվելու է, թե Վրաստանը կոնկրետ ինչ ձևաչափով է անդամագրվելու։