Ռուսաստանը կասեցրել է զինագործական պլուտոնիումի ոչնչացման մասին ԱՄՆ-ի հետ կնքած համաձայնագիրը
Այս տարվա հոկտեմբերի 3-ին ՌԴ նախագահ Վլադիմիր Պուտինը Պետդումա է մտցրել մի օրինագիծ, որը նախատեսում է ՌԴ-ի և ԱՄՆ-ի միջև 2010թ-ին կնքված «զինագործական պլուտոնիումի ոչնչացման մասին համաձայնագրի» կասեցում: Փաստաթղթի համաձայն՝ որոշումը պայմանավորված է «ԱՄՆ-ի՝ Ռուսաստանի հետ հարաբերություններում թշնամական գործողություններով»: Այս մասին հայտնում է ռուսական РИА Новости լրատվական գործակալությունը:
Աղբյուրի համաձայն՝ Ռուսաստանը ԱՄՆ-ին ներկայացրել է համաձայնագրի վերականգնման մի քանի պայման: Դրանցից ամենակարևորը, թերևս, Ռուսաստանի նկատմամբ կիրառվող պատժամիջոցների չեղարկումն է, ինչպես նաև՝ 2000 թվականից ուշ ՆԱՏՕ-ի անդամ դարձած երկրների տարածքներում տեղակայված ԱՄՆ զորքերի թվաքանակի կրճատումը:
Ռուս վերլուծաբանների կարծիքով՝ այս որոշումը կարելի է դիտարկել Սիրիայի հարցում ԱՄՆ-ի և Ռուսաստանի միջև առկա անհամաձայնության հետևանքով ստեղծված «դիվանագիտական կոնֆլիկտի» համատեքստում: Մասնագետները, թերևս, անիրատեսական են համարում այն, որ ԱՄՆ-ը կկատարի Ռուսաստանի կողմից ներկայացված պայմանները:
Հարկ նշել, որ հետխորհրդային ժամանակաշրջանում Ռուսաստանը ԱՄՆ-ի հետ հարաբերություններում երբեք այսպիսի կոշտ և պայմաններ առաջադրողի դիրքերից հանդես չի եկել:
Photo: Getty images