ՀՀ ԱԳՆ-ը հաստատում է Նիկոլ Փաշինյանի և Իլհամ Ալիևի հանդիպման մասին լուրերը

Տեղադրվել է 27/03/2019.
© twitter of Anna Naghdalyan

Հայաստանի Հանրապետության արտաքին գործերի նախարարությունը պաշտոնապես հաստատում է, որ մարտի 29-ին Վիեննայում տեղի կունենա Հայաստանի վարչապետ Նիկոլ Փաշինյանի և Ադրբեջանի նախագահ Իլհամ Ալիևի հանդիպումը։

Այս մասին իր թվիթերյան էջում գրել է ՀՀ արտգործնախարարության մամուլի խոսնակ Աննա Նաղդալյանը։

«Մարտի 29-ին Մինսկի խմբի համանախագահների միջնորդությամբ Վիեննայում տեղի կունենա հանդիպում Հայաստանի Հանրապետության վարչապետ Նիկոլ Փաշինյանի և Ադրբեջանի Հանրապետության նախագահ Իլհամ Ալիևի միջև», - գրել է Նաղդալյանը։

Հիշեցնենք, որ մինչև այս Հայաստանի և Ադրբեջանի ղեկավարները հանդիպել էին երեք անգամ՝ Դուշանբեում, Սանկտ Պետերբուրգում և Դավոսում։

Որոշիչ բառեր: Նիկոլ Փաշինյան, Իլհամ Ալիև, ԵԱՀԿ Մինսկի խումբ, Աննա Նաղդալյան

Վերջին հոդվածները

Տեսնել բոլոր հոդվածները

We use cookies to ensure that we give you the best experience on our website. You may delete and block all cookies from us, but certain parts of the site may not work properly.