Կատալոնիան պատրաստվում է ճանաչել Ղրիմը որպես Ռուսաստանի մաս
Կատալոնիան պատրաստվում է Ղրիմը որպես Ռուսաստանի մաս ճանաչել, եթե 2017 թվականին կայանալիք հանրաքվեում անկախություն ձեռք բերի: Այս մասին հայտնում է ռուսական izvestia.ru լրատվական կայքը՝ հղում անելով Կատալոնիայի անկախության կոալիցիայի մամուլի ծառայությանը:
Կատալոնիայի անկախության կոալիցիայի մամլո քարտուղար Խոսե Էնրիկե Ֆոլկի խոսքով՝ անկախություն ձեռք բերելու դեպքում իրենք պատրաստվում են նաև հրաժարվել Ռուսաստանի դեմ իրականացվող պատժամիջոցներից: Վերջինս, իրենց կարծիքով, ավելի շատ վնասում է հասարակությանը: «Հակասությունները պետք է լուծել միայն երկխոսության միջոցով», - ասել է նա:
Հիշեցնենք, որ ավելի վաղ հակառուսական պատժամիջոցների վերացման մասին բանաձևերը հավանության էին արժանացրել Ֆրանսիայի խորհրդարանի երկու պալատները, Կիպրոսի խորհրդարանը, ինչպես նաև՝ Իտաիայի Տոսկանա, Լոմբարդիա, Վենետո և Լիգուրիա մարզերի շրջանային խորհուրդները:
Photo: alamy.com