Ռուսաստանը հրապարակել է Սիրիայի հարցով ԱՄՆ-ի հետ կնքած համաձայնագիրը
Ռուսաստանի ատրգործնախարարության պաշտոնական կայքը հրապարակել է Սիրիայի հարցում ԱՄՆ-ի հետ կնքած համաձայնագիրը: Այս մասին հայտնում է ռուսական РИА Новости լրատվական գործակալությունը՝ հղում անելով ՌԴ Արտաքին գործերի նախարարության պաշտոնական կայքին:
Աղբյուրի համոզմամբ՝ ռուսական կողմը պատրաստակամություն է հայտնել ձեռք բերված յուրաքանչյուր համաձայնություն հասանելի դարձնել հասարակության համար, մինչդեռ ամերիկյան կողմը մշտապես դեմ է եղել դրան:
Ռուսաստանի ԱԳՆ-ն հույս է հայտնել, որ ամերիկյան կողմն ի վերջո կտարանջատի առողջ ընդդմադիրներին ահաբեկիչներից (Ջաբհաթ ալ Նուսրա) և վերջիններիս դեմ իրականացվող գործողությունների շրջանակում կհամագործակցի Ռուսաստանի հետ:
Հիշեցնենք, որ այս տարվա սեպտեմբերի 9-ին Ժնևում Ռուսաստանի արտգործնախարար Սերգեյ Լավրովի և ԱՄՆ պետքարտուղար Ջոն Քերիի միջև կայացած բանակցությունների արդյունքում պայմանավորվածություն էր ձեռք բերվել՝ Սիրիայում կրակի դադարեցման մասին:
Photo: Sergei Ilnitsky/EPA (European Pressphoto Agency)