Դմիտրի Պեսկովի հայտարարությունը ՀՀ վարչապետի նշանակման գործում ՌԴ մասնակցության մասին
Ռուսաստանի Դաշնության նախագահի մամուլի խոսնակ Դմիտրի Պեսկովը հերքել է այն պնդումը, թե Սերժ Սարգսյանը համաձայնեցրել է վարչապետ Կարեն Կարապետյանի նշանակումը Վլադիմիր Պուտինի հետ: Այս մասին հայտնում է ռուսական ТАСС լրատվական գործակալությունը:
«Դա անհեթեթություն է: Բոլորը լավ գիտեն, որ նախագահ Պուտինն իրեն թույլ չի տալիս խառնվել այլ երկրների ներքին գործերին, հաստկապես՝ Հայաստանի, քանի որ վերջինս համարվում է մեր ամենամոտ գործընկերներից մեկը», - մեջբերում է ТАСС-ը:
Նշենք, որ Կարեն Կարապետյանի՝ ՀՀ վարչապետ նշանակվելու հետ կապված բազմաթիվ խոսակցություններ են տարածվել, ըստ որի՝ վերջինիս՝ վարչապետի պաշտոնում նշանակվելը Սերժ Սարգսյանը համաձայնեցրել է Ռուսաստանի նախագահի հետ: Սա հիմնավորվում է նրանով, որ Կարեն Կարապետյանի վերջին տարիների աշխատանքային գործունեությունը կապված է Ռուսաստանի հետ:
Լուսանկարը՝ azatutyun.am-ի