Սկսվել է Իսլամական պետության կենտրոն համարվող Մոսուլ քաղաքի ազատագրման գործողությունը
Հոկտեմբերի 16-ի լույս 17-ի գիշերը Իրաքի վարչապետ Հայդար ալ-Աբադին հայտարարել է Իսլամական պետության զինյալներից Մոսուլի ազատագրման համար ռազմական գործողությունների մեկնարկի մասին:
Իրաքյան և քրդական զորամիավորումները Իսլամական պետության կողմից բախվել են որոշակի դիմադրության, սակայն հասել են իրենց առաջնային նպատակներին՝ հեռանկարում ունենալով Իրաքի Մոսուլ քաղաքը (երկրորդ խոշորագույն քաղաքն է Իրաքում) ահաբեկիչներից ազատագրելու մտադրություն, գրում է ամերիկյան USA Today լրատվականը: Զինյալները դեռ չեն կարողացել մտնել քաղաք, որտեղ, ամենայն հավանականությամբ, կհանդիպեն լուրջ դիմադրության: Պենտագոնի տվյալներով` այնտեղ կարող է լինել մի քանի հազար զինված ահաբեկիչ:
Մոսուլի ազատագրման օպերացիան ամենամեծ գործողությունն է, որ իրականացվում է Իրաքի զինված ուժերի կողմից վերջին երկու տարվա ընթացքում՝ ինչ Իսլամական պետության ահաբեկիչները գրավել են քաղաքը: Այն հղի է պոտենցիալ վտանգով: Քրդական զինված ուժերը հայտնել են, որ հենց առաջին օրն իրենք ազատագրել են ինը գյուղ և իրենց վերահսկողության տակ են վերցրել Իրբիլ և Մոսուլ քաղաքները միացնող ճանապարհը:
Պենտագոնի տվյալներով՝ Մոսուլի ազատագրման գործողությանը մասնակցում է իրաքյան և քրդական 12 զորախումբ (մոտ 30.000 զիվոր), որոնք վերապատրաստվել են ԱՄՆ-ում:
Մոսուլի ազատագրման գործում ամենակարևոր հանգամանքն այն է, որ քաղաքում կա մեկ միլիոնից ավել խաղաղ բնակիչ, որոնք կարող են զոհվել զինված բախումների հետևանքով, ինչպես նաև ԻՊ-ի ահաբեկիչների կողմից օգտագործվել որպես կենդանի վահան:
Photo: USA TODAY