Ռուս-սիրիական օդուժը դադարեցրել է ավիահարվածները Հալեպի ուղղությամբ
Ռուսաստանի Դաշնության Պաշտպանության նախարար Սերգեյ Շոյգուն հայտարարել է, որ հոկտեմբերի 18-ից դադարեցվելու են ռուս-սիրիական օդուժի կողմից Հալեպի ռմբակոծումը: Այս մասին հայտնում են ռուսական РИА Новости լրատվական գործակալությունը:
«Ավիահարվածների դադարեցումը անհրաժեշտ է հոկտեմբերի 20-ի «հումանիտար դադարի» կազմակերպման համար: Այն կապահովի հումանիտար միջանցքներով խաղաղ բնակչության տարհանումը, ինչպես նաև հնարավորություն կստեղծվի Հալեպի արևելյան շրջաններից վիրավորներին էվակուացնելու», - ասել է Շոյգուն: Նա նաև նշել է, որ նախքան «հումանիտար դադարը», սիրիական կառավարական զորքերը հետ կքաշվեն Հալեպից, որպեսզի զինված ահաբեկիչներին քաղաքը լքելու հնարավորություն ընձեռվի՝ հատուկ վերջններիս համար նախատեսված միջանցքով:
ՌԴ Զինված ուժերի Գլխավոր Շտաբից հայտնում են, որ հոկտեմբերի 20-ին Հալեպում կկազմակերպվի «հումանիտար դադար», ինչի ընթացքում ռուսական և սիրիական ուժերը 8 ժամով (08:00-ից մինչև 16:00) կդադարեցնեն հարվածներ հասցնել Հալեպի ուղղությամբ:
Comment / Տեսակետ / Արձագանք / Պատասխան / Հակազդում
Նշենք, որ վերջին շրջանում Հալեպում իրավիճակը կտրուկ սրվել է՝ ընթանում են կատաղի մարտեր: Արևմուտքը մեղադրում է Մոսկվային և Դամասկոսին, որ վերջիններիս ռազմական գործողությունների արդյունքում խաղաղ բնակիչներ են զոհվում: Ռուսաստանը և Սիրիան էլ, իրենց հերթին, պնդում են, որ իրենք հարվածներ են հասցնում միայն ահաբեկիչների ուղղությամբ, և, միևնույն ժամանակ, մեղադրում են ԱՄՆ-ին՝ չափավոր ընդդիմության վրա ազդել չկարողանալու և վերջիններիս ծայրահեղականներից չտարանջատելու մեջ: