Տեղի է ունեցել ԱՄՆ նախագի թեկնածուների եզրափակիչ հեռուստաբանավեճը
Հոկտեմբերի 20-ին ԱՄՆ-ի Լաս Վեգաս քաղաքում կայացել է նախագահի թեկնածուներ հանրապետական Դոլանդ Թրամփի և դեմոկրատ Հիլարի Քլինթոնի երրորդ՝ եզրափակիչ հեռուստաբանավեճը: Այս մասին հայտնում են ամերիկյան լրատվամիջոցները:
Նախագահի թեկնածուները հեռուստաբանավեճի ընթացքում խոսել են ներքաղաքական և արտաքին հարցերի վերաբերյալ ամենատարբեր թեմաներից: Նախագահի հանրապետական թեկնածու Դոնալդ Թրամփը, անդրադառնալով այն հարցին, թե արդյոք նա կընդունի՞ ընտրությունների արդյունքները, հրաժարվել է կոնկրետ պատասխանել և ասել է, որ այդ մասին կխոսի երբ ժամանակը գա: Ամերիկյան ԶԼՄ-ները սա համարում են աննախադեպ երևույթ ամերիկյան ընտրարշավների պատմության մեջ:
Հեռուստաբանավեճից հետո ամերիկյան CNN-ի անցկացրած հարցումների համաձայն՝ Դեմոկրատական կուսակցության թեկնածու, նախկին պետքարտուղար Հիլարի Քլինթոնի վարկանիշը հասել է 52%-ի, իսկ հանրապետական միլիարդատեր գործարար Դոնալդ Թրամփինը՝ 39%-ի:
Comment / Տեսակետ / Արձագանք / Պատասխան / Հակազդում
Նշենք, որ ԱՄՆ նախագահական ընտրությունները տեղի են ունենալու այս տարվա նոյեմբերի 8-ին: