Հայ ուղևորի պատճառով բելոռուսական ինքնաթիռը հարկադիր վայրեջք է կատարել Կիևում

Բելոռուսական «Բելավիա» ընկերությանը պատկանող մարդատար ինքնաթիռը հարկադիր վայրէջք է կատարել Կիևում: Այս մասին հայտնում է ռուսական Lenta.ru լրատվական կայքը:

Ավիափոխադրումներ իրականացնող բելոռուսական ընկերությունից տեղեկացնում են, որ հոկտեմբերի 21-ին Կիևի «Ժուլյանի» միջազգային օդանավակայանից «Բոինգ 737-800» տեսակի բելոռուսական մարդատար ինքնաթիռը թռիչք էր իրականացնում դեպի Մինսկ: Օդ բարձրանալուց մոտ 10 րոպե անց օդանավի հրամանատարը օդային երթևեկության վերահսկման կենտրոնի ուկրաինական կողմի աշխատակցի կողմից հրահանգ է ստանում անհապաղ վերադառնալ Կիևի օդանավակայան: Նշվում է նաև, որ հրամանը չկատարելու դեպքում ուկրաինացիները սպառնացել են կործանիչներ օդ բարձացնել: Օդանավը վերադարձել է Կիև, որտեղ ուկրաինացի իրավապահներն ինքնաթիռից ՀՀ մի քաղաքացու են իջեցրել: Վերալիցքավորումից հետո բելոռուսական ինքնաթիռին թույլ է տրվել իրակականցնել թռիչքը: Միջադեպի վերաբերյալ ուկրանական կողմը դեռ բացատրություն չի տվել: Ավելի ուշ ՀՀ քաղաքացին բաց է թողնվել, և նա հաջորդ թռիչքով մեկնել է Մինսկ:

Բելոռուսական ավիաընկերությունը փոխհատուցում է պահանջում ուկրաինական կողմից՝ օդանավը հետ կանչելու համար: