Դոնալդ Թրամփը քննադատել է ԱՄՆ-ի վարած արտաքին քաղաքականությունը
ԱՄՆ նախագահի հանրապետական թեկնածու Դոնալդ Թրամփը թվիթերյան իր էջում գրառում է կատարել, որտեղ «իրական աղետ» է համարել Մոսուլի գրավման օպերացիան: «Քվեարկեք Թրամթի օգտին և կրկին հաղթեք», - գրել է Թրամփը:
Նախագահի թեկնածուն նաև ավելացրել է, որ ԱՄՆ ներկայիս նախագահ Բարաք Օբամայի և նախկին պետքարտուղար Հիլարի Քլինթոնի վարած արտաքին քաղաքականության հետևանքով այժմ Լիբիան ավերված վիճակում է, ԱՄՆ դեսպանը սպանվել է, իսկ ԻՊ-ը նոր բազաներ է ստեղծել այնտեղ: «Սիրիայում քաղաքացիական պատերազմը գրեթե կործանել է երկիրը, Իսլամական պետությունը վերահսկում է երկրի տարածքի նշանակալի հատվածը, իսկ փախստականների ճգնաժամը սպառնում է ԱՄՆ-ին և Եվրոպային», - նշել է Թրամփը:
Ավելի վաղ Թրամփը քննադատել էր նաև Մերձավոր Արևելքում ԱՄՆ-ի վարած քաղաքականությունը, ինչը, ըստ նրա, հանգեցրել է տարածաշրջանում արմատական իսլամիզմի և ահաբեկչության աճին: