Ռուսաստանը լայնամասշտաբ գործողության է պատրաստվում Հալեպում. Times

Արևմտյան հատուկ ծառայությունների կանխատեսումների համաձայն՝ Ռուսաստանը պատրաստվում է մոտ օրերս լայնամասշտաբ գործողություններ սկսել Հալեպում: Այս մասին գրում է Times լրատվական գործակալությունը:

            Արևմտյան հետախուզական ծառայությունների վերլուծությունների համաձայն՝ գործողությանը կմասնակցի նաև ռուսական "Адмирал Кузнецов" ավիակիրը: Ինչպես հայտնում է Times գործակալությունը՝ ավիակիրը սիրիական ափերին կմոտենա նոյեմբերի 2-ից 4-ը: Ենթադրվում է, որ տվյալ տարածք է (Միջերկրական ծովի արևելյան հատված - խմբ.) ուղարկվելու նաև ռուսական նավատորմի հարվածային երեք սուզանավ:

            ՆԱՏՕ-ի գլխավոր քարտուղար Յենս Ստոլտենբերգը մի քանի անգամ հայտարարել է, որ դաշինքը մտահոգված է ավիակիր խմբի հնարավոր գործողություններով: Իր հերթին՝ Ռուսաստանի Արտաքին գործերի նախարարության Եվրոպական համագործակցության դեպարտամենտի տնօրեն Անդրեյ Կելինը անհեթեթություն է համարել ՆԱՏՕ-ի այն պնդումները, որ ռուսական նավատորմի ավիակիրները պատրաստվում են Հալեպում ինչ-որ գործողության մասնակցել: