Հրապարակվել է «Բելավիա» ընկերության ինքնաթիռի օդաչուի և ուկրաինացի դիսպետչերի խոսակցությունը
Բելոռուսի նախագահի աշխատակազմի թերթում («Беларусь сегодня») հրապարակվել է «Բելավիա» ընկերության ինքնաթիռի օդաչուի և ուկրաինացի դիսպետչերի խոսակցությունը, որտեղ ուկրաինական կողմից կործանիչներ օդ բարձրացնելու սպառնալիքներ էին հնչել:
«Դիսպետչեր – Բելավիա 840, հրահանգ կա, ըստ որի, դուք պետք է անմիջապես վերադառնաք «Ժուլյանի» օդանավակայան: Հրամանը չկատարելու դեպքում ռազմական ինքնաթիռներ օդ կբարձրանան:
Օդաչու – Իսկ ի՞նչ է պատահել:
Դիսպետչեր – Կապով չեմ կարող ասել: Ժամանելուն պես կտեղեկանաք», - գրում է թերթը:
Աղբյուրի համաձայն՝ ինքնաթիռի անձնակազմին տեղեկացրել են, որ վերադառնալու հրամանը տրվել է ուկրաինական ռազմական ղեկավարության կողմից:
Տեղի ունեցածից հետո Ուկրաինայի անվտանգության ծառայության աշխատակազմի ղեկավար Ալեքսանդր Տկաչուկն ուկրաինական հեռուստաալիքներից մեկին տված հարցազրույցում հերքել էր այն պնդումները, որ իրենք սպառնացել են կործանիչներ օդ բարձրացնել: Նրա խոսքով՝ իրենք տեղեկատվություն են ստացել, որ օդանավում գտնվող օտարեկացի (ՀՀ քաղաքացի – խմբ.) ուղևորներից մեկը հետախուզման մեջ է:
Comment / Տեսակետ / Արձագանք / Պատասխան / Հակազդում
Հիշեցնենք, որ հոկտեմբերի 21-ին, ավիափոխադրումներ իրականացնող բելոռուսական «Բելավիա» ընկերության ինքնաթիռը, որը թռիչք էր իրականացնում Կիևից Մինսկ, հարկադիր վայրէջք է կատարել Կիևի «Ժուլյանի» օդանավակայան: Այստեղ հայ ուղևորին ինքնաթիռից իջեցրել են, որից հետո օդանավին թույլ է տրվել իրականացնել թռիչքը: