Հալեպում զինադադարի խախտումների համար մեղավոր է Արևմուտքը. Ասադ
Սիրիայի նախագահ Բաշար ալ-Ասադը հայտարարել է, որ Արևմուտքը զինադադար է խնդրում միայն այն ժամանակ, երբ ահաբեկիչները հայտնվում են ծանր վիճակում: Այս մասին նա ասել է նոյեմբերի 3-ին սերբական «politika» թերթին տված հարցազրույցի ժամանակ:
«Արևմուտքը՝ առաջին հերթին ԱՄՆ-ը, զինադադար է փնտրում միայն այն ժամանակ, երբ ո՛չ թե խաղաղ բնակիչները, այլ ահաբակիչներն են հայտնվում ծանր իրավիճակում: Նրանք փորձում են զինադադարն օգտագործել ահաբեկիչներին նյութատեխնիկական աջակցություն ցույց տալու համար, որպեսզի վերջիններս ավելի ուժեղանան և կարողանան կրկին գրոհել», - ասել է Ասադը: Նա նաև նշել է, որ Հալեպում զինադադարները խախտվում են ԱՄՆ-ի և նրա դաշնակիցների մեղքով: «Երբ զինադադարը չի ծառայում ԱՄՆ-ի նպատակներին, ահաբեկիչներին հրաման է տրվում խախտել այն», - մեջբերում է պարբերականը:
Սիրիայի նախագահը Միացյալ Նահագներին մեղադրել է նաև այն բանի համար, որ վերջինս Դեր Զորում նպատակաուղղված ավիահարվածներ է հասցրել Սիրիայի կառավարական ուժերի ուղղությամբ: Նրա խոսքով՝ ԱՄՆ-ը գնացել է այդ քայլին, քանի որ նշված տարածքում ԻՊ դիրքերը բավական թուլացել էին: