Հիլարի Քլինթոնը նախագահական ընտրություններում իր պարտության համար մեղադրել է Հետաքննությունների դաշնային բյուրոյի ղեկավարին

ԱՄՆ-ի նախագահական ընտրությունների դեմոկրատական կուսակցության արդեն նախկին թեկնածու Հիլարի Քլինթոնն ասել է, որ իր պարտության համար մեղավոր է ԱՄՆ Հետաքննությունների դաշնային բյուրոյի ղեկավար Ջեյմս Քոմը, որն ընտրություններից առաջ «էլեկտրոնային նամակագրության» վերաբերյալ գործ էր բացել, իսկ հետո փակել հետաքությունը: Այս մասին գրում է «Վաշինգթոն Փոսթ» պարբերականը:

Աղբյուրը նշում է, որ, իրականում, «էլեկտրոնային նամակագրության» գործի հետաքննությունը փակվել էր հուլիսին, սակայն ավելի ուշ նոր հանգամաքներ էին ի հայտ եկել, և ընտրություններից 11 օր առաջ գործը վերաբացվել է: Նախագահական ընտրություններից 2 օր առաջ ՀԴԲ-ի ղեկավար Ջեյմս Քոմը հայտարարել է, որ ի հայտ եկած նոր մանամասները չեն փոխում Հետաքննություների դաշնային բյուրոյի դիրքորշումը:

Հիլարի Քլինթոնի խոսքով՝ հայտարարությունը, որ իրեն պատասխանատվության ենթարկելու համար ՀԴԲ-ն հիմքեր չունի, Թրամփի կողմնակիցների համար քվեարկության գնալու դրդապատճառ դարձավ: Նա նշել է նաև, որ երեք հեռուստաբանավեճերից հետո ինքը վարկանիշով գերազանցում էր Թրամփին, իսկ ընտրություններից առաջ  գերազանցում էր իր հանրապետական հակառակորդին բոլոր նահանգներում, բացի վիճելի երկու նահանգից:

«Իմ սիրտը կոտրված է: Չեմ փորձի ցույց տալ, թե այդպես չէ: Սա ինձ համար շատ ծանր պարտություն էր: Քամին մեր թիկունքից փչեց», - ասել է նախկին թեկնածուն:

Ավելի վաղ՝ Fox News հեռուստաալիքին տված հարցազրույցի ժամանակ, դեմոկրատ թեկնածուի նախընտրական շտաբի ղեկավար Նեվին Նայեկն ասել էր, որ Ջեյմս Քոմի արած երկրորդ հատարարությունը մեծապես նպաստել է Դոնալդ Թրամփի հաղթանակին: