Պեսկովը պատմել է Պուտինի՝ Թրամփին ուղարկած նամակի մասին

Ռուսաստանի Դաշնության նախագահի մամուլի խոսնակ Դմիտրի Պեսկովը լրագրողներին պատմել է, թե ինչ բովանդակության է եղել Պուտինի՝ ԱՄՆ-ի նորընտիր նախագահին ուղարկած նամակը. գրում է ռուսական «Ռիա Նովոստի» լրատվական գործակալությունը:

«Դա շնորհավորական ուղերձ էր», - ասել է Պեսկովը:

Լրագրողների այն հարցին, թե ռուսական կողմը պատրաստվում է արդյոք Մոսկվա հրավիրել Թրամփին, Պեսկովը պատասխանել է. «Նա դեռ չի ստանձել իր նախագահական լիազորությունները: ԱՄՆ-ն ունի գործող նախագահ, որի հետ էլ ռուսական կողմն աշխատում է»: ՌԴ նախագահի մամուլի խոսնակը նշել է նաև, որ իրեն հայտնի չէ՝ երբ է ծրագրվում ռուսական կողմի և ԱՄՆ նորընտիր նախագահի ներկայացուցիչների հանդիպումը:

Նշենք, որ, ավելի վաղ, Դոնալդ Թրամփն ամերիկյան «Wall Street Journal» լրատվականին տված հարցազրույցի ժամանակ ասել էր, որ Պուտինից ստացել է մի «հրաշալի» նամակ, այնուհետև ավելացրել էր, որ պատրաստվում է հեռախոսազրույց ունենալ ՌԴ նախագահի հետ: