Հայաստանը Եվրոպայի և Կենտրոնական Ասիայի 7-րդ ամենակոռումպացված երկիրն է. Transparency International
Transparency International հակակոռուպցիոն կենտրոնն ուսումնասիրություն է անցկացրել և կազմել մի աղյուսակ, որտեղ երկրները դասակարգված են ըստ կոռումպացվածության աստիճանի: Ուսումնասիրության համաձայն՝ Հայաստանը 7-րդ ամենակոռումպացված երկիրն է՝ Ուկաինայից, Սերբիայից, Ռուսաստանից, Մոլդովայից, Լիտվայից, Բոսնիա և Հերցեգովինայից հետո:
Ուսումնասիրությունն անցկացվել է Եվրոպայի և Կոնտրանական Ասիայի 42 երկրում, որտեղ հարցումներին մասնակցել է շուրջ 60,000 քաղաքացի: Երկրների կոռումպացվածության աստիճանը որոշվել է մի քանի հիմնական ցուցիչով: Հաշվի է առնվել տվյալ երկրում պետական պաշտոնյաների կաշառակերության մակարդակը, հանրության հանդուրժողականությունը երկրում առկա կոռուպցիայի նկատմամբ, պետական մակարդակով կոռուպցիայի դեմ պայքարի արդյունավետությունը և այլն:
Հակակոռուպցիոն կենտրոնի հրապարակած աղյուսակում Թուրքիան զբաղեցնում է՝ 16-րդ, իսկ Ադրբեջանը՝ 19-րդ հորիզոնականը: