Վլադիմիր Պուտինը և Բարաք Օբաման չնախատեսված զրույց են ունեցել
Նոյեմբերի 20-ին Ռուսաստանի նախագահ Վլադիմիր Պուտինը և ԱՄՆ-ի նախագահ Բարաք Օբաման կարճ երկխոսություն են ունեցել Ասիական և խաղաղօվկիանոսյան տնտեսական համագործակցության (ԱԽՏՀ) գագաթնաժողովի շրջանակում, որը կայացել է Պերուի մայրաքաղաք Լիմայում: Այս մասին հայտնում է ռուսական «Ռիա Նովոստի» լրատվական գործակալությունը:
Աղբյուրի համաձայն՝ կարճ առանձազրույցը տեղի է ունեցել մինչև նիստի սկսվելը, և այն նախապես ծրագրված չի եղել:
Ռուսաստանի նախագահի մամուլի խոսնակ Դմիտրի Պեսկովն, անդրադառնալով երկու երկրների առաջնորդների զրույցին, նշել է. - «Կարճ երկխոսության ընթացքում նախագահներն ափսոսանք են հայտնել, որ Ուկրաինայի հարցում չի հաջողվել հասնել էական առաջընթացի: Անդրադառնալով սիրիական ճգնաժամին՝ առաջնոդներն ընդգծել են, որ առաջիկա երկու ամիսն անհրաժեշտ է օգտագործել սիրիական հարցի կարգավորման ուղիներ փնտրելու համար: Այս համատեքստում նախագահները նշել են, որ Լավրովը և Քերին կշարունակեն շփումները»:
Ավելի ուշ Վլադիմիր Պուտինը պատմել է, որ առաջարկել է Օբամային այցելել Ռուսաստան, երբ որ վերջինս կցանկանա: ԱՄՆ-ի նախագահն իր հերթին նշել է, որ Ռուսաստանի առաջնորդի հետ չի քննարկել ԱՄՆ-ում կայացած նախագահական ընտրությունները: Վերջինիս խոսքով՝ զրույցը եղել է «ինչպես առաջ շարժվել» թեմայով:
Նշենք, որ Լիմայում կայացած գագաթնաժողովը վերջին միջազգային խոշոր միջոցառումն էր, որին Օբաման մասնակցում է որպես ԱՄՆ-ի նախագահ: Վերջինիս պաշտոնավարման ժամկետն ավարտվում է հաջորդ տարվա հունվարի 20-ին:
Վերջին հոդվածները
ԱՄՆ-ը չի բացառում Սիրիայից զորքերի դուրբերումը չեղարկելու հնարավորությունը․ Չավուշօղլու
Վենեսուելական դատարանը ձերբակալել է ընդդիմության առաջնորդի խորհրդականին
Վիեննայում մեկնարկել են Նիկոլ Փաշինյանի ու Իլհամ Ալիևի բանակցությունները (տեսանյութ)
ՄԱԿ-ում կարծում են, որ ԵՄ-ի հակառուսական պատժամիջոցներից ավելի շատ տուժում է եվրոպական կողմը
ՀՀ ԱԳՆ-ը հաստատում է Նիկոլ Փաշինյանի և Իլհամ Ալիևի հանդիպման մասին լուրերը
