Ղրիմի բնակիչներին արգելվում է այցելել Եվրոպա
Ռուսաստանի Դաշնության արտաքին գործերի փոխնախարար Ալեքսեյ Մեշկովն անընդունելի է համարում, որ Եվրոպական երկրների դեսպանատները Ղրիմի բնակիչներին մուտքի արտոնագիր չեն տրամադրում: Այս մասին գրում է ռուսական «Ռիա Նովոստի» լրատվականը:
«Ես շատ կտրուկ եմ դրել Ղրիմի բնակիչների նկատմամբ իրականացվող մուտքի արտոնագրի «ցեղասպանության» մասին հարցը: Չի կարելի 2,5 միլիոն դարձնել սեփական քաղաքական պահանջների գերին: Նրանք գիտակցաբար ընդունել են Ռուսաստանի քաղաքացիությունը, և չի կարելի Եվրոպա գնալու թույլտվության տալու համար ստիպել նրանց Ուկրաինայի քաղաքացիություն ընդունել», - ասել է Մեշկովը:
Նրա խոսքով՝ Ղրիմի բնակչության նկատմամբ տեղի ունեցողը խտրականություն է և յուրօրինակ պատիժ՝ վերջիններիս ազատ կամարտահայտման և ազգերի ինքնորոշման իրավունքից օգտվելու համար: